Offilne Gmail hpe galaw ai ladat.

Ya ngai ndai (Offline Gmail) galaw mai ai lam hpe mara dat ya ai gaw anhte myen mung  dan kata kaw nga ai manaw manang ni Computer gaw lu tawn na Enternet nlu lang ai ni na matu akyu nga na re ngu myit mada na mara dat ya ai re nga ai. Chye sai ni mung anhte shada garan gachyan ya hkat mat wa ga ngu shawng n nan tsun mayu ai hku re law.

Daini  na ten hta mungkan kaw mying kaba gumhkawng nga ai Google site hta (Gmail service) hpe jai lang akyu jashawn nga ai ni a matu (offline Gmail) hpe (2010, January) htum kaw na hpaw ninghtan da ya sai re. Ndai (offline Gmail) hpe jai lang akyu jashawn lu na matu (window) kata kaw na (Microsoft Outlook) zawn (Enternet) matut mahkai nlu ai ten hta (Email) hti na, (Email) ka ai lam ni hpe ti nang a computer kaw lu galaw na matu re ng ai.

            Moi gaw (Gmail service) kaw Acount langai kata hta shang ai laika (inbox mail),  shagun ai laika (sent mail) hte (Attachment file) ni hpe Gmail server kaw sha zing da ya

nga ai re na, Enternet mai lang ai shaloi sha tinang Gmail hpe mai hpaw yu mai hpaw hti ai re nga ai.

            Ya ndai (offline Gmail) lu galaw na matu (Email Acount) langai kaw shalawm galaw da ai re yang, dai (Acount) hte seng ai lam ni, (E-mail, Attachment) yawng hpe (Gmail server) kaw sha n rai, tinang a (Email server) kata kaw  mung shi hkrai sha (Download) galaw ya mat wa ai re nga ai.

            Ga shadawn (Gamil) hpe hpaw lang ai masha langai gaw, Enternat matut na hpaw lang nga yang, shi na Acount kaw shang wa ai (inbox mail, sent mail, Attachment file) yanwg ni hpe computer kata kaw na (Email server) kata kaw galang ta  (save) galaw da   ya na re nga ai. Dai majaw Gmail lang ai wa  gaw lam amyu myu majaw Enternet hpe nlu matut mahkai ai re yang, tinag a Email ni hpe mai hpaw hti na shagun na laika ni hpe mai ka lu na matu re nga ai. Shing re na laika ni hpe gaw Enternet lu lang ai hte tinang a laika ka da ngut sai ni hpe galang ta sa dat sha re nga ai.

            Ndai (offline Gmail) galaw ai lam gaw (Google) a (Opensource Software) langai re nga ai (Google Gear) hpe jai lang ai re na (Google server) lang ai wa na Gmail hte seng ai lam ni yawng hpe shi hkrai sha shi (Download) galaw ya ai ladat re ngu chye na da ai hku re.

(Offline Gmail Support) hpe tinang a computer kata kaw lu lang na hku galaw mayu ai re yang lawu kaw na lam ni hte maren galaw mai ai hku re.

1. Gmail kata de Sign-in shang na.
2. tinang a mail lu hpaw shang sai nga jang (setting) kaw shang na.
3. Setting npu kaw na ‘Lab” nga ai Tab hpe Click na.
4. Lab” laika man kaw (function) law law nga ai kaw na, nambat langai ntsa kaw (offline) nga ai makau kaw "Enable" hpe lata la na.
5. Ndai "Lab" laika man lawu de  sa  na “ Save chyange galaw na.
6. "Save Changes" galaw ngut ai hpang gaw Gmail laika man hta "Settings" a makau kaw "Offline 0.1" nga ai Link nga taw na re.
7. (Offline Gmail) hpe lu lang na matu ndai Link kaw n na (Google Gear) hpe hkap la lu lang na matu "Allow it to use Gears" makau na Check Box hpe mahkret jaw kau da na. ngut jang gaw "Allow" button hpe Click na.
8. (Offinle Gmail)  hpe  computer kaw aloi sha galang ta, lu lang na matu, (shoutcut Icon) hpe tawn na shara lata da ya na. ngut jang gaw OK Button hpe Click galaw dajang gaw Google server kaw rawng nga ai, matsing da ai, masum ning ram na sai mail ni Attachment file ni yawng hpe (computer Email server) kata kaw shi hkrai sha  (Download) galaw na matsing da mat ya na re nga ai.

Ya n dai zaw galaw da ya ai Google a (offline Gmail) gaw galaw mai sai nga tim, ya yang na a ten hta gaw (Lab Version) madang kaw sha naw re nga ai hku re. gade n na yang gaw (Full Version) madang hku na lu  lang hkra galaw ya mat na re ngu hpe chye lu ai hku re.

Matsin;

               Ndai (Offline Gmail) hpe gaw tinang na PC (computer) n re yang gaw nmai galaw ai hku re. hpa  majaw nga yang manang wa na PC galaw da ai re yang gaw tinan na mail ni hpe manang wa hpaw yu kajam kau na hpe tsang ra ai hku re.