BANDUNG

 Bandung ngu ai gaw jahtum du ra ai shara shing nrai byin ra ai magam amu hte du wa na, byin na matu myit mada yaw shada ai lam rai nga ai. Ndai mungkan hta masha shagu, amyu shagu, mungdan shagu hte wuhpung wuhpawng shagu ni hta shi hte shi bandung ni nga shajang ma ai. Kadun ai hku na shaleng ga nga yang bandung ngu ai shaloi jahtum na padang dip la na matu yaw shada ai amu rai nga ai. Dai rai yang masha nkau mi gaw bandung hpe shamat kau ai, bandung hpa re ai hpe nchye ai sha sak hkrung nga ma ai. Bandung n nga ai shing nrai shamat kau ai hte nchye ai ni a sak hkrung lam gaw awng dang lam n nga ai sha n ga hten mat, run mat ai hte sum mat ai kaw kre nga ai.Ga shadawn, nang Hkristan rai yang Hkristan a jahtum na ban dung hpe chye ra na ndai. Tsadan gaw Karai Kasang a bandung hpe jahten ai zawn anhte shinggyim masha ni a pangdung hpe mung jahten na matu galoi mung jin jin rai nga ai wa re. Anhte a bandung nhten n mat na matu chye na hkan sa ra ai lam kaba masum hpe lawu de na hte maren shaleng da ai.

1. Bandung gaw sak hkrung lam a nam chyim hpe jaw ya nga ai.
Bandung gaw sak hkrung lam a namchyim rai nga ai. Nam chyim gaw manu dan ai lam hpe jaw ya lu nga ai. Marai hkum shagu, wuhpung wuhpawng shagu amyu shagu hte mungdan shagu hta manu shadan ai lam ni nga shajang ma ai. Dai gaw shanhte hte seng ai sak hkrung lam a nam chyim rai sai. Ga shadawn Hkristan ni a bandung gaw hta ni hta na asak hpe hkam la lu na lam rai nga ai. Hpung law law garan na lam gaw Hkristan a bandung nre. Ndai htani htana asak a jaw e Hkristan hpung gaw nam chyim rawng ai hte manu dan ai lam hpe jaw ya lu ai rai nga ai. Htani htana asak a lam hpe nchye na ai hte gin lut kau ai rai yang Hkristan tai ai nam chyim hpe shaprai kau ai lam sha rai nga ai. Nam chyim nrawng mat ai rai yang nang Hkristan tai ai lam gaw manu ndan mat sai. Yesu tsun ai hte maren dai zawn re wa gaw shanut shanaw hpe zawn magawn la nna wan nat kau na lam sha kaja dik rai nga ai.
2. Bangdung gaw awng dang lam de woi wa ai.
Hkristan hpung a labau hpe yu yang tsaban langai ten hta Hkristan hpung masha ni gaw grai zingri hkrum lai wa masai. Zingri hkrum sha nga ai lapran kaw nna Hkristan nawku hpung gaw awng dang galu kaba wa sai. Dai gaw kam sham ai sape langai hkrai Hkrsitan a bandung htani htana asak a lam hta tsap nga lu ai majaw sha rai nga ai. Dai zawn sha No.2, mungkan majan laman hta Germani mungdan a ningbaw kaba Hitala wa gaw Yuda amyu ngu ai hpe mungkan ntsa kaw nna atsai awai shamyit kau ra ai nga ndau shana let Yuda masha wan lam hpe lani jan sha sat kau ai ten nga lai wa sai. Mungkan a labau sara ni tsun ai hku nga yang Hitala wa sat kau ai Yuda masha wan kru jan ai lam chye lu ai. Dai rai yang ya dai ni ndai Yuda masha ni mungkan kaw na mat mat ma ni? N mat ai sha n ga No.2, mungkan majan ngut ai htawm shanhte a kaji Kawa ni hpe Karai Kasang jaw da ai lamu ga mungdan hpe hpyi bai lu madu la lu masai. Ndai Yuda amyu masha ni a bandung gaw Karai Kasang lata la ai chyoi pra ai amyu ngu ai rai malu ai. Mungkan hta Yuda amyu chyu sha Karai Kasang lata la ai Karai Kasang a amyu re nga nna hkap la ma ai. Dai gaw Yuda masha ni a ngang kang dik ai bandung rai malu ai hte maren Yuda ngu ai hpe nam chyim rawng shangun nna manu shadan ai lam rai nga ai. Ndai bandung gaw Yuda amyu sha ni hpe hpyen ni a lata kaw na shalawt dat lu ai sha n ga awng padang dip la shangun sai re.
2. 3. Bandung gaw sak hkrung lam hpe gaw sharawt ya lu ai.
Yuda amyu sha ni a labau hpe yu ai shaloi ndai amyu masha ni gaw B.C 700 ning daram kaw nna mungkan shara shagu de shabra kau hkrum ai sha n ga, amyu kaba ni law law wa ndai Yuda amyu masha ni hpe mungkan kaw na mat mat ai amyu tai mat na matu lai ladat amyu myu hku grai shakut masai. Raitim dai ni du hkra ndai kachyi sha re Yuda amyu ni grin nga lu ai sha n ga, mungkan kaw na lu su ai jahpan hta ndai amyu ni lawm nga ma ai. Masha amyu ni law law wa dip sha ai, mayam shatai hkrum ai raitim Yuda masha marai hkum shagu gaw Karai Kasang kaji Kawa ni hpe jaw ya ai lamu ga hte Karai lata la hkrum ai amyu ngu ai bandung hpe n shamat kau ma ai. Karai jaw ai lamu ga hte Karai lata la ai amyu ngu ai makam dai gaw shanhte Yuda amyu ni a sak hkrung lam hta bandung rai malu ai hte maren Yuda amyu sha ni a kahkyin gumdin lam hte mungdan hpe bai gaw sharawt ya lu sai rai.
Anhte Hkristan hpung a labau hta mung Hkristan makam hpe shamyit kau na matu zingri zingrat lam amyu myu hpe hkrum sha lai wa sai lam hpe chye lu ai. Zingri zingrat lam kata kaw nna Hkristan hpung gaw galu kaba wa ai re. Dai gaw makam masham a kaji Kawa ni Hkritan hpung a bandung rai nga ai htani htana asak lam hpe tek jum da lu ai sak se rai nga ai. Dai bandung gaw Hkristan hpung hpe gaw sharawt dat lu ai sha n ga, galu kaba wa shangun sai re.
Dai majaw amyu langai, wuhpung wuhpawng langai grin nga lu na hte

T.B Mawshe
Tsinyam Camp