Dai ni na ten hta anhte myen mungdan kata kaw masha law malawng gaw Computer hte Enternet hpaji hpe she myit n shang sha ma ti mung Online ntsa kaw Chatting galaw na dung nga ai ni gaw law law wa nga taw ai hpe mu mada ai hku re. Enternet seng shagu hte dinggai dingla, mahkawn shabrang, ma kaji ni kaw na hkawt shani shana shat sha na pyi malap hkra n chye rawt shakut dung shaja na Chatting shang nga ma ai hku re.
Ya n dai zawn Chatting shang yang mung tinang na Gmail Acount langai hte sha gaw n gun nlu, lahkawng hte re tim bai nlaw na acount n nan ni hpe majoi lu na mali manga hpaw la na galaw kyin nga ma ai re. Dai majaw daini anhte myen mung kata hta Mail acount nnan hpaw jang Phone number hpyi nga sai hku re. Ya kaw na htawm hpang de gaw Gmail acount langai hpaw la na matu pyi gai yak wa sai re. Ge ge n dai lam naw tawn da yu ga.
Ya tsun na gaw Gmail acount law law nga ai ni tinang a Gmail acount dingsa kaw na manaw manang ni yawng hpe acount nnan de langai ngut langai hta bang n ra ai. Yang galang ta mai htawt bang la ai hku re. Ge gara hku galaw na bai matut yu yu ga.
Shang n nan tinang na Gmail hpe hpaw na. (dingsa hpe ngu ai re yaw) ya hpang de Gmail ni gaw moi shawng de na zawn n re mat na Style myu mi bai galai mat sai hpe yawng gaw dum chye na ma sai ngu kam ai. Shing rai galai mat na ya gaw Mail a pai maga de, (composemail , inbox) ni a ntsa kaw (contact) ngu nga ai re. Dai kaw shang dat na.
Dai kaw tinang bang da ai manaw manang ni yawng hpe mu na re. Matut na dai shara kaw na (More Action) nga hpe click na export….. dai hku export galaw dat sai nga jang shi hkrai sha (Google) kaw na (Download file) langai jaw wa na re. shing re na shi hkrai sha (.csv file) lata ngut sai re majaw Download galaw na shara ra kaw Save galaw da u.
Ngut sai nga jang gaw tinang htawt bang mayu ai Gmail account nnan de shang na, mi na hte maren bai matut shang wa na. ngut jang (more action) kaw na (import) nga hpe Click, ngut jang mi yat e (Download) galaw na Save da ai (google.csv file) hpe lata na bang dat yang shi hkrai shang mat sai hku re.
Ndai zawn re na langai hpang langai nbang ra ai sha galang ta mai htawt bang la ai lam hpe garai n chye shi nga ai manaw manang ni yang hpang de chye ai mi daram shalai ya dat ai law.
Post a Comment