(Yaku 1:12-18)
Ga Nhpaw
Ya hte bat 5 ya jahpawt, chyum jawng ma langai shi a madu jan, 7, 8 ning daram na sai hpang tsang 10 bai htai ai lam tsun dan ai. Ya aten Myen mung ting myit nga ai gaw Tsang 10 san poi a lam rain a re. Kanu Kawa ni gaw dai ning na tsang 10 san poi hta tinang a kasha awng hkra nga gumhpraw sen manu maka ma hkra, shakut ai hku rai sai. Rai tim, I gaw awng na/n awng na myit ru nga na re. N kau mi maning hkrat, dai ning I bai hkrat na kun/awng na kun?
Bai Chyum Jawng lung mayu ai ni mung, Chyum Jawng Entrance htai na matu grai hkyen nga ai ten re. Ndai zawn, SAN POI a lam gazik nga ai ten hta anhte Hkristan hpung masha ni mung San Poi htai ra ga ai hpe bai shadum la na mai nga ai law.Ndai lam hpe yaw shada let dai ni na mungga ga baw hpe “Hkristan ni Htai ra ai San Poi” ngu jaw da ai re.
X’tan ni a San Poi gaw Agung Alau re.
Anhte Hkristan ni htai ra ai San poi gaw makam masham san poi re. Yaku 1:12 hta anhte dai Sa Poi gaw , AGUNG ALAU RE hpe tsun da ai. Yaku 1 hta Agung Alau myu 2 hpe mu lu ai,: Shinggan na pru wa ai Agung Alau-Mung masa, Sut masa, Shingra Tara etc. Anhte a Kraw kata na pru ai Agung Alau: Myit kayut ai, Law hpa ai, Ningre lam ni hpe dang lu ai nig aw A lu ma ai. Bai Asak Jan Mau lu na re nga ai.
Ndai San Poi gaw, Adam yan Ewa mung hkrum ai, Yesu mung hkrum kadut sai re. Adan yan Ewa gaw n awng ai, Yesu gaw awng sai. Ya anhte htai nag aw laika san poi n re. Makam masham san poi re. Laning mi hta kalang, shata mi hta kalang n re. Shani shagu, aten shagu htai ra ai re. Yaku 1:12-18 hta Hkristan ni gara hku awng hkra htai na hpe sharin da sai.anhte a san poi gaw makam masham san poi re hpe tsun da ai.
Agung Alau San Poi hpe Awng na Matu Chye ra ai Lam kaba MASUM
1. Karai Kasang Kadai re/Kaning re wa re hpe Galoi mung N malap ai.(vv.13,16,17)
- Karai Kasan gaw Chyoi Pra ai Wa re.(Hab 1:12; Lev. 19:2; Is 6:3; 1 Pet 1:16)
Yaku tsun ai gaw, Karai kasan gaw chyoi pra ai majaw n hkru n hkra ai lam e n gung lau lu ai.
- Karai Kasang gaw tsaw ra myit re(1Cor 10:13 hta masha n jan lu ai agung alau njaw na lam tsun ai). Dai majaw kadai hpe mung n gunglau ai re.
- Kaja ai kumhpa/hkum tsup ai kumhpa hpe sha jaw chye ai wa re.(v.16-17) G.sh. 9:22 hta K.K a shaman chyeju hta yawn hkyen ai lam n lawm ai.
2. Agung Alau a Ningpawt hpe chye ra ai.(vv.14-15)
a. Satan wa a Agaw hkalem ai lam gaw Agung alau a ningpawt re.
Chyum laika hta mu lu ai Satan a Hkalem ladat ni
-K.K hpe mara shagun ai
-Kaja ai amu hpe Jehpre ai
-Nga dawn ai zawn, U hkam ai zawn shalen ai.
Satan gunglau ai shara 3
-Lu sha
-Myi a marin marit ai/tsawm htap lam
-Arawng Aya
Adam yan Ewa hpe mung n dai ladat the hkalem ai.
Yesu hpe mung n dai ladat the gunglau ai.
b. Anhte a Myit kayut ai hpe hkan nang ai gaw Agung alau a ningpawt re.
Satan gaw agaw hkalem na ahkang lu ai. Hkan na n hkan na gaw anhte daw dan ra ai re.
Yubak gaw Lapu rem ai hte bung ai. Kaji yang gaw, hpa gung n rawng ai. Kaba wa magang gung rawng magang. Shi laika hta kalang mi hti hkrup ai. Ma kaji langai mi hpe n ta kaw rem da ai Pu noi the mayu kau ai lam.
Bai Yaku laika hta Yubak hpe ma shangai ai the shabung da ai. Myit kayut ai gaw naup na sin byin wa jang Yubak hpe shangai ai. Dai Yubak gaw kung hpan wa yang Si ai lam hpe shaprat ai. Rom 6:23 hta “kaning rai n me law, Yubak a shabrai gaw si mat ai rai nga ai…”.
3. Tinang(Hkristan) Kadai re hpe Dum ra ai.(v.18)
- Dingman ai Mungga hte shaprat hkrum ai Alat amyu re.
Alat- OT hta Alat (shawng ngai ai n si, shawng lu ai kasha) gaw Karai Kasang the seng ai re.(Pru. 23:19; Lev:23:9-14; Rom 8:19-23).
1 Pet 2:5- “Chyoi pra ai hkinjawng amyu..”
1 Pet 2: 9 - “Nanhte chyawm gaw n sin kata de nna, shi a mau hpa n htoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkaw hkam hkinjawng ni, chyoi pra ai amyu baw the karai Kasang lahku la ang ai masha ni, rai nga myit dai”
Rom 12 :1-- “ hkrung nga ai, chyoi pra ai the Karai kasang kaw sharawng awng ai hkungga matu nawng ya na” lam tsun da ai.
I pet 1:23 - “nanhte gaw, hten mat chye ai n li hta na n rai, hten mat n chye ai Karai Kasan a hkrung nga ai mungga nli hta bai shangai wa lu na lam”
Eph 2:5-6- “anhte gaw tawt lai ai bungli a jaw e, chyasi rai nga ti mung, na chying matsan dum chye ai Karai Kasang gaw shi a tsaw ra ai myit kaba a marang e anhte hpe tsaw ra nna, Hkristu the hpawn jahkrung mani ai ..”
Ehp 5:26- “ Dai hpung hpe hka the mungga e hka shin kau ai the jasan jasen kau n htawm, dai hpe shachyoi shapra nna, agan chyalang the kapum kapam re ai hpa mung n lawm ai sha, chyoi pra ai the mara n rawng ai hpung tai lu na matu shi hkum nan ap kau wa ai lam tsun da ai.
Poi Daw- anhte gaw Yesu a sai/a shan the mari da sai hpe dum na matu dai ni mung Poi Daw sha na re.
Ga Hpung Dim
Ndai lam masum hpe myit dum let shani shagu na sak hkrung lam hta hkrum kadup wa ai agung alau hpe dang manga lu let kung kyang ai X’tan ni byin hkra shakut ga. Ya Bethani buga ni jubili Hall hpe gap taw nga ai lam chye lu ai.Ningre kaja ai magam bungli hpe galaw wa yang, Satan wa gaw, N re hku je hpre na, amyu amyu n jaw a ang ai hku sawn la na sa gunglau na re. Dai hpe dang hkra mung shakut ga.
Post a Comment