Jinghpaw Wunpawng hpung shingwang kata Hkalup Hpung, Kathawlik, Shanglawt, Ingalikan (Anglican) kaga Evangelical hte Fundamental ni yawng hta shingdu labau masa loi bung nga ai.
Mungdan kata dinghku majan laja lana garai nbyin yang na mabyin,
Mungdan kata dinghku majan nsin sin ai ten na mabyin,
Simsa lam la ngut ai hpang na htoi pru wa ai ramma ni a ningmu ni gaw, Wunpawng ginra langai hta sha raitim, myit mang sumru ai lam ni shai la nga sai.
Mungdan Dinghku majan garai nhpang shi yang, Hpung kata hta, Rev. Dr. Lahtaw Gum Se tsun ai "Karai Kasang Jaw Ya ai Hpaji Mu Sani" hte maren, laika hpaji jawng ni law law hpaw nna tinang madu laika sharin, hkai sun hte galaw sha lam hta hkindu matsun prut ai zawn lani hte lani hka jaw nna bran wa ai hkai nmai hpa, Wunpawng sha ni a gam maka tsawm htap wa ai masa,
Hkam kaja lam tsi rung ni, matut mahkai lam ni dai aten e sak hkrung wa ai ni mu kau dat na masai.
Mungdan dinghku majan kata du shang wa ai hte rau, jawng ni nnga mat sai, mare kahtawng ni dumbri dumbra rai mat nna, n gaw htawt, dinghku masha shamat, lam mahkrai di, tsi hte jum nlu sha, shangai wa ai ni ngai zawn kaji hkak hkak, hpaji nlu sharin rai sai. Mare kaba hkan nga ai ni, yi sa lekmat lang, porter hkan na nkam nna hprawng, dinghku kata dap lum hkra nlu yup ai shaning law law rai nna ana ahkya amyu myu hte gasat hkat nga ra ai majaw, asak hpe lahpaw hte hkayawp da ai hpa. Dai aten hta, woi awn la na masha, kanu kawa tai ya ai wa nnga ai zawn buga ni shara mi kaw mare de dat, htawt mat wa, bai shara mi kaw de, nat kau ya re ai gaw, ndai laika ka nga ai BUM SIN WA pyi dum nta shamat myen hprawng hprawng nna nta kaw n yup ai nhtoi ni hti pyi ndang sai, ngu yang dai ni na ramma ni gaw yup mang hkai ai she shadu nga na masai.
Hpung hku nna gaw, dai zawn dumbri dumbra rai hkawm nga ai ni hpe gawan lu ai shara gawan, ndu lu ai shara ndu, Danai, Dabyi, ga de gaw byin wa ai amyu mi rai hpung mung n gun nmai dat, tara hkaw sharin achyin na malai zinlum ai kaw aten ram ram ma sai rai nga ai. Gawan sara ni du yang kabu ai gaw hkum tsun sa, anhte 1990 hkan hkawm ai Campaign gaw buga masha ni hpe kabu shangun ai, myi prwi katsut ai campaign hku pyi chye na kau dam ni ai. Du ai kaw lamu kasa hpa hkap tau hkalum la nga ma ai. Mare kaba kaw nga ai shaloi gaw, uphkang ai ni nga ai shara shagu hkan, mawdaw kaw nna yu nna lam hkawm, lagaw leng, dumsu leng hpa leng mi jawn jawn yu nna hkawm ra ai shara hkrai rai nga ai. Lagaw leng jawn ai ni gaw ginshang daram tsaw ai kaw kawa tawng nda ban di pat da ai lam hta gum nna lai ra ai hpe kadai naw dum dam nga myit ta?
Mungdan simsa lam lu ai hpang ndum shamyi hkawm sa loi mat ai, lagaw leng, mawdaw jawn ai kaw nna n yu hkawm ra ai hte hpawn, buga hpung ni hpe yu jahproi dat ai shaloi, sun hkyen da ai nhkraw shi yang nat da ai zawn, gara kaw na kaning di hpang na pyi yak mat sai. Raitim, hpung sara ni gaw zinlum ai ladat hpe sha lang nna rau hpawng de, poi galaw, Campaign hkawm, zuphpawng sha-ang nna zuphpawng hpawng rai nna zinlum nga ma ai. Poi galaw shagu masha n sharam ai du dung nna alum ahkum hte n gun kaba madun dan lu ai hpe ngai shingran amu nga nngai. Chyum jawng maga yu dat yang, nawku woi awn na shara law law ra nga ai majaw, buga du wa yang nawku atsawm wa woi awn lu na matu mahkawn music, chyum laika npawt, Ningpawt ninghpawng laika kaw nna Shingran laika du hkra hpe shachyen ya nna gara shara kaw gaw gara laika hti nna gara mahakwn hkawn ngu ai hku sharin achyin ya dat sai. Shaning shagu jawng yu ai masha ram ram law nga ai, sara galaw ai ni galaw ai zawn, n galaw ai ni mung tinang du ai shara kaw nhtoi tai nna nlaw htum, dinghku kata na sarama hte Sundayschool sha gaw wa woi lu sai rai nga ai.
Mungdan simsa lam la ai (1994) a hpang, tsang (10) awng wa ai ni, chyum jawng bai sa, buga de du wa nna wa woi awn wa ai shaloi gaw, hkaw tsun ai lam, shakung jahpan ai lam hta tsawra zinlum ai hku sha nrai, masha kaga ni hte lahpa shingdaw nna hkaw tsun wa sai, myit mang wa sai, woi awn ra wa sai lam ni hpe hkrum katut nga sai. Rai yang chyum jawng kaw shacyen ya dat ai Karai masa hte sha nram wa ai hpe mu wa sai hte, hpaji hpungjat mayu wa, jawng matut lung ra wa sai rai nga ai. Dai majaw, chyum jawng lung ai ni gaw jawng matut lung na lakang ninggam tawk dat ya ai zawn rai nga ai. Chyum jawng awng pru ai law tim, buga kaw amu gun ai masha nlaw wa na lam ni byin pru wa sai.
Buga kata kaw mung, matut mahkai lawan wa ai, rawt jat mayu ai hte awngdang mayu ai lam amyu myu ni shi hkrai hkrai byin nga ai. Dai gaw anhte hta sha nrai, mungkan ting hta byin nga ai mabyin rai nga ai. Dai majaw Tsaban 21 a prat nnan kum la hku sha masat tsun shamying nga ma ai. Ramma daw ni a woi awn wa ai lam gaw,sinlum ai hku nrai; hpaji hta woi awn wa nna buga hpung hta nawku nsa ai masha law wa na lam ni byin nga ai. Buga nkau mi gaw sara hpe hku hkau la ai majaw, jinghku masa hku myi man tau nna nawku sa ai zawn re ai mung nga ai. Ngai du hkawm ai shara hkan san yu ai, dai ni gaw nawku nsa yang gara hku ngu yang sara wa anhte hpe nawku jawng kaw nmu yang, ga san san na ra ai hpa rai nawku nsa nta nga yang htai yak na ra ai, nga nna sa ai mung hkrum ga ai.
Ya lahta na kapik kapawk ngu tsun ai daw ni gaw kadun ai hku tsun yang, ban masum lai wa nga ai anhte a buga mabyin labau leng kadun hpe shadawn yu ai ningren (Pe-dan)rai nga ai. Buga hpung hpe woi awn nga ai sara ni gaw ndai masum hpe naw hkrum nga ma ai. Raitim, dai ni na ten hta mungkan gaw hpa byin wa nga ai hpe gaw nau wa nhkawn ai masa ni naw nga nga ai. Ramma ni nawku jawng de nlaw wa ai, kaga hkan sa hkawm nga ai, sharin hpawng amyu myu hkan lung hkawm nga ai hpe gaw gara hku tsi la na, woi awn la na ngu ai hpe da sang naw myit ra nga ai. Buga kata sharin hpawng kaji kajaw galaw ai hte sha nram sai, kaga buga hpung ni hte gayau nna tang du ai, jai lang mai ai hpaji lam madun ai hpe ra nga sai. Yangon ga kawSummit tara mai gan masha langai mi hpe pyi n gang gayin la lu na rai nga ai.
Yak la wa sai Buga hpung a shamu shamawt lam ni hpe bai myit yu ra ai daw gaw ya rai sai, dai kata kaw gara hku jasat sa wa na gaw kung kyang ai sara ni a woi awn jasat ai (Vision)ra nan ra nga sai nrai ni? Sinna mungdan ni hkan mung, nawku hpung hpe galai jashai ding yang rai tim, masha a myit hta zaw! nga hkam sha pyaw hkra nlu woi awn wa masai. Mission-shaped church, fresh expression, Organic church nga nna myu hkum hkra woi awn nga masai. Ya hpang jahtum gaw "Missional Church
Dai majaw, Tsaban 21 a Buga Sasana woi awn ladat hta ningbaw ni a shara gaw anhte a buga htunghkring hta shamyet nna jasat ra ai lam mung Karai masa hku mu lu na re majaw tau hkrau hkyen lajang mat wa ra sai hpe shawng shachyen ya dat mayu ai law.
(Madu mahkrawn: Hpung sara ni nawku jawng hte ni ai shara hkan nta mari ra na kun, mari yang mung sara wa dai buga kaw si hkra galaw sana ngu ai lachyum bai pru, n mari yang mung nta pyi nlu ai sara bai rai).
Mungdan dinghku majan kata du shang wa ai hte rau, jawng ni nnga mat sai, mare kahtawng ni dumbri dumbra rai mat nna, n gaw htawt, dinghku masha shamat, lam mahkrai di, tsi hte jum nlu sha, shangai wa ai ni ngai zawn kaji hkak hkak, hpaji nlu sharin rai sai. Mare kaba hkan nga ai ni, yi sa lekmat lang, porter hkan na nkam nna hprawng, dinghku kata dap lum hkra nlu yup ai shaning law law rai nna ana ahkya amyu myu hte gasat hkat nga ra ai majaw, asak hpe lahpaw hte hkayawp da ai hpa. Dai aten hta, woi awn la na masha, kanu kawa tai ya ai wa nnga ai zawn buga ni shara mi kaw mare de dat, htawt mat wa, bai shara mi kaw de, nat kau ya re ai gaw, ndai laika ka nga ai BUM SIN WA pyi dum nta shamat myen hprawng hprawng nna nta kaw n yup ai nhtoi ni hti pyi ndang sai, ngu yang dai ni na ramma ni gaw yup mang hkai ai she shadu nga na masai.
Hpung hku nna gaw, dai zawn dumbri dumbra rai hkawm nga ai ni hpe gawan lu ai shara gawan, ndu lu ai shara ndu, Danai, Dabyi, ga de gaw byin wa ai amyu mi rai hpung mung n gun nmai dat, tara hkaw sharin achyin na malai zinlum ai kaw aten ram ram ma sai rai nga ai. Gawan sara ni du yang kabu ai gaw hkum tsun sa, anhte 1990 hkan hkawm ai Campaign gaw buga masha ni hpe kabu shangun ai, myi prwi katsut ai campaign hku pyi chye na kau dam ni ai. Du ai kaw lamu kasa hpa hkap tau hkalum la nga ma ai. Mare kaba kaw nga ai shaloi gaw, uphkang ai ni nga ai shara shagu hkan, mawdaw kaw nna yu nna lam hkawm, lagaw leng, dumsu leng hpa leng mi jawn jawn yu nna hkawm ra ai shara hkrai rai nga ai. Lagaw leng jawn ai ni gaw ginshang daram tsaw ai kaw kawa tawng nda ban di pat da ai lam hta gum nna lai ra ai hpe kadai naw dum dam nga myit ta?
Mungdan simsa lam lu ai hpang ndum shamyi hkawm sa loi mat ai, lagaw leng, mawdaw jawn ai kaw nna n yu hkawm ra ai hte hpawn, buga hpung ni hpe yu jahproi dat ai shaloi, sun hkyen da ai nhkraw shi yang nat da ai zawn, gara kaw na kaning di hpang na pyi yak mat sai. Raitim, hpung sara ni gaw zinlum ai ladat hpe sha lang nna rau hpawng de, poi galaw, Campaign hkawm, zuphpawng sha-ang nna zuphpawng hpawng rai nna zinlum nga ma ai. Poi galaw shagu masha n sharam ai du dung nna alum ahkum hte n gun kaba madun dan lu ai hpe ngai shingran amu nga nngai. Chyum jawng maga yu dat yang, nawku woi awn na shara law law ra nga ai majaw, buga du wa yang nawku atsawm wa woi awn lu na matu mahkawn music, chyum laika npawt, Ningpawt ninghpawng laika kaw nna Shingran laika du hkra hpe shachyen ya nna gara shara kaw gaw gara laika hti nna gara mahakwn hkawn ngu ai hku sharin achyin ya dat sai. Shaning shagu jawng yu ai masha ram ram law nga ai, sara galaw ai ni galaw ai zawn, n galaw ai ni mung tinang du ai shara kaw nhtoi tai nna nlaw htum, dinghku kata na sarama hte Sundayschool sha gaw wa woi lu sai rai nga ai.
Mungdan simsa lam la ai (1994) a hpang, tsang (10) awng wa ai ni, chyum jawng bai sa, buga de du wa nna wa woi awn wa ai shaloi gaw, hkaw tsun ai lam, shakung jahpan ai lam hta tsawra zinlum ai hku sha nrai, masha kaga ni hte lahpa shingdaw nna hkaw tsun wa sai, myit mang wa sai, woi awn ra wa sai lam ni hpe hkrum katut nga sai. Rai yang chyum jawng kaw shacyen ya dat ai Karai masa hte sha nram wa ai hpe mu wa sai hte, hpaji hpungjat mayu wa, jawng matut lung ra wa sai rai nga ai. Dai majaw, chyum jawng lung ai ni gaw jawng matut lung na lakang ninggam tawk dat ya ai zawn rai nga ai. Chyum jawng awng pru ai law tim, buga kaw amu gun ai masha nlaw wa na lam ni byin pru wa sai.
Buga kata kaw mung, matut mahkai lawan wa ai, rawt jat mayu ai hte awngdang mayu ai lam amyu myu ni shi hkrai hkrai byin nga ai. Dai gaw anhte hta sha nrai, mungkan ting hta byin nga ai mabyin rai nga ai. Dai majaw Tsaban 21 a prat nnan kum la hku sha masat tsun shamying nga ma ai. Ramma daw ni a woi awn wa ai lam gaw,sinlum ai hku nrai; hpaji hta woi awn wa nna buga hpung hta nawku nsa ai masha law wa na lam ni byin nga ai. Buga nkau mi gaw sara hpe hku hkau la ai majaw, jinghku masa hku myi man tau nna nawku sa ai zawn re ai mung nga ai. Ngai du hkawm ai shara hkan san yu ai, dai ni gaw nawku nsa yang gara hku ngu yang sara wa anhte hpe nawku jawng kaw nmu yang, ga san san na ra ai hpa rai nawku nsa nta nga yang htai yak na ra ai, nga nna sa ai mung hkrum ga ai.
Ya lahta na kapik kapawk ngu tsun ai daw ni gaw kadun ai hku tsun yang, ban masum lai wa nga ai anhte a buga mabyin labau leng kadun hpe shadawn yu ai ningren (Pe-dan)rai nga ai. Buga hpung hpe woi awn nga ai sara ni gaw ndai masum hpe naw hkrum nga ma ai. Raitim, dai ni na ten hta mungkan gaw hpa byin wa nga ai hpe gaw nau wa nhkawn ai masa ni naw nga nga ai. Ramma ni nawku jawng de nlaw wa ai, kaga hkan sa hkawm nga ai, sharin hpawng amyu myu hkan lung hkawm nga ai hpe gaw gara hku tsi la na, woi awn la na ngu ai hpe da sang naw myit ra nga ai. Buga kata sharin hpawng kaji kajaw galaw ai hte sha nram sai, kaga buga hpung ni hte gayau nna tang du ai, jai lang mai ai hpaji lam madun ai hpe ra nga sai. Yangon ga kaw
Yak la wa sai Buga hpung a shamu shamawt lam ni hpe bai myit yu ra ai daw gaw ya rai sai, dai kata kaw gara hku jasat sa wa na gaw kung kyang ai sara ni a woi awn jasat ai (Vision)ra nan ra nga sai nrai ni? Sinna mungdan ni hkan mung, nawku hpung hpe galai jashai ding yang rai tim, masha a myit hta zaw! nga hkam sha pyaw hkra nlu woi awn wa masai. Mission-shaped church, fresh expression, Organic church nga nna myu hkum hkra woi awn nga masai. Ya hpang jahtum gaw "
Dai majaw, Tsaban 21 a Buga Sasana woi awn ladat hta ningbaw ni a shara gaw anhte a buga htunghkring hta shamyet nna jasat ra ai lam mung Karai masa hku mu lu na re majaw tau hkrau hkyen lajang mat wa ra sai hpe shawng shachyen ya dat mayu ai law.
(Madu mahkrawn: Hpung sara ni nawku jawng hte ni ai shara hkan nta mari ra na kun, mari yang mung sara wa dai buga kaw si hkra galaw sana ngu ai lachyum bai pru, n mari yang mung nta pyi nlu ai sara bai rai).
Post a Comment