Lunghprawginra ဘေလာ့ကို လာၾကည့္သူအေပါင္းတို႔ ကိုယ္စိတ္ႏွလုံးရႊင္လန္းၾကပါေစ လို႔ဆုမြန္ ေကာင္းေတာင္းလၽွက္ပါ၊
Karai Kasang sha-man ya u ga.

Virtual Drive ngu ai gaw hpa re,… gara kaw lang ai,…Gara hku na tam na:


Ya ndai post gaw UK kaw na manang langai mi san wa ai hpe ngai na blog kaw galoi mung sadu nga ai manaw manang ni mung chye la mu ga ngu yaw shada na, shi hpe mahtai jaw ya dat ai hte hpawn post hku na mara dat ya ai hku re.

Virtual Drive
Virtual Drive ngu ai gaw Drive langai (အတု) hpe gawgap da ai re nga ai. Tsun ga nga jang DVD (or) CD hpe Copy galaw da ai ladat langai re nga ai. IOS (or) Image File re. shi hpe gaw madung Game ni kaw lang ai re nga ai. Ngai hku na chye ai ram hpe tsun ga nga jang Game ni kaw (a hkwi) hpe bang na gasup ai ni nga ai re. raitim ndai (a hkwi) ni gaw Run ai alang law ai shaloi mahkret hkang ni grai law wa chye ai re. shaloi gaw dai CD nmai hpaw hten mat ai zawn ni byin ai re. dai majaw ndai zawn n byin na matu ndai (Virtual Drive) ni pru wa ai re nga ai. Shi hpe gara hku na lang ai i nga jang shawng nnan Nero hte rai rai CD (or) DVD kaw ISO Copy galaw ra ai re. ngut jang she Alocohol 120% ngu ai Software nga ai re. dai Software hpe Site ni kaw mai mari la ai re. Raitim ndai zawn Utilities ni lawm ai Software ni lawm ai (a hkwi) law malawng hta Virus lawm nga ai hpe mu mada lu ai. Madung gaw Crack ni re nga ai re. dai Software hte Drive nnan galaw na tinang Copy galaw da ai ISO File  hpe bang dat u. shaloi gaw tinang a Computer kaw drive langai langai ting hpe bang da ai hku re mat sai hku re. Size chyawm gaw loi kaba mat na re nga ai. Ga shadawn tinang a computer kaw C: drive D drive nga nna E: drive gaw CD-ROM (shr) DVD drive rai taw yang, virtual drive gaw F: rai wa na re. Dai virtual drive na matu space gaw Hard disk kaw shara la mat na re.

Virtual Machine

Virtual Machine ngu gaw Computer hpe masu ya ai lam re nga ai. Asan sha chye na ai hku na tsun ga nga jang OS (အတု) mara dat ya ai sha re nga ai. Network hpe nnan lung na jawng ma ni a matu gaw grai akyu rawng ai re. jawng ma ngu ai gaw Computer lahkawng hpe madu lu na ngu gaw law malawng nmai byin ai lam re nga ai. Ndai hku galaw lang ai shaloi Computer langai kaw sha lahkawng lang ai hku na mai galaw la ai re. ntsa (OS အတု) hte (lawu အစစ္) hte LAN ni hpe matut yu ai shaloi File or Folder ni galaw ai hta grai akyu rawng ai re nga ai. Ngut na Vitual Machine hpe lang yang langai mi kaja ai lam gaw System File ni hpe hkra na hten mat jang tinang Computer na (OS အစစ္) kaw hpa mang hkang nnga ai hku re. dai hku na nlung wa jang mung tinang jak na (OS အစစ္) hpe delete galaw na nnan hpe bai bang la mai nga ai hku re. loi ma grai loi nga ai re nga ai. Computer hpe amyu myu hku na kajam mayu ai ni matu gaw akyu rawng dik re nga ai. Anhte ni Computer hta OS madung nlung wa na Computer hten mat na hpe tsang ai majaw law malawng gaw n galaw gwi ma ai re. dai majaw (OS အတု) mara nna chyam yang grau kaja ai re nga ai. Raitim shi hta nkaja ai lam gaw Size hte Memory shara grai la ai re. ndai hpe galaw na nga jang RAM kaja hpe bang da lu na matu ahkyak ai re. Shi hpe lang mayu jang gaw ya yang mying kaba nga ai (VMWare) rai nga ai. VMW hpe mung Site ni kaw mai lu ai re. tam la yang mai ai. Bai langai naw ra ai lam gaw tinang mara mayu ai OS Installer re nga ai. Mac OS kun, Windows Kun, Server Kun tinang ra ai OS Installer hte mai mara ai re.

 ya ndai lam hpe gaw ngai chye na ai, ngai hku na chye da ai ram hpe tsun sang lang, ai hku re, shut ai lam ni, bai na sharai la ra ai lam ni grai nga na re ngu na kam ai. Bai nna nchye na nsang lang ai lam ni nga yang mung Email kaw nding tawk mai la ai.  

Comentários:

Post a Comment

 
Lam © Copyright 2010 | Design By Gothic Darkness |