(a) Pyaw len Ramma,
(b) Mau nga len hkawm ai Ramma,
(c) Karum hpyi sha hkawm ai Ramma,
(e) Ra mi rai galaw sa hkawm ai Ramma,
(f) Tinang lawt lam sha tam ai Ramma,
(g) Myu hpe woi awn na, hpung hpe woi awn na Ramma,
(h) lam htum tim mare n mu ai Ramma..... ni ngu nna Ramma hpan amyu myu nga ai.
2. Ramma ngu ai ten gaw ahkyak htum ai, lata la jaw ra dik ai ten ladaw ninggam langai
mi re. Yak hkak hkrum wa jang, “Kadai kaw karum hpyi yu na i?” nga myit chye ga ai. “Hpa galaw yu na i?” nga n myit ga ai. Bungli chye la na hpe n myit ai, Shabrai hpe sha myit ai.
3. Nkau mi Kanu Kawa prat grai lu nna bai yak mat ai ni, nkau mi ya nan grai lu ai ni, nkau mi grai nan yak ai ni nga ai. Lu ai ni mung, yak ai ni mung ladat jaw jaw hte woi awn galaw ra sai hpe mu lu ai. ya prat na ja gumhpraw jai lang ai hpe yu yang, hpun dabang, ja dabang, lung seng maw shara magup hkan, hpai da dabang hta nanghpam lusha hte naw pyaw len nga ai Ramma ni grai naw law htenza nga ai hpe maram
chye lu ai.
4. Hpaji chye ai Ramma ni rai sai majaw lam shagu hta n shut ai hku chye woi awn ra sai. Ya na Ramma ni gaw moi na Ramma ni hta grau hkrak hkra shakut ra na re. Labau hka tai na tsang ra ai. Kadai hpa baw chye nga ma ai kun? Gara hku woi awn na myit nga ma ni?
5. Sut masa hpe woi awn ai lam hta masing chye jahkrat ra ai. Madu a makau grupyin Mung Masa, Sut Masa, Ginra Masa ni hpa byin wa chye ai hpe tau maram chye ra ai. Madu lang ai gumhpraw manu rawt wa ai kun? Hkrat wa ai kun? chye ra nga ai. Ja chye lang ai amyu tai ra nga ga ai.
6. Sut a npawt Karai Kasang re lam hkrak nan chye ra ai. Makam masham n lu ai Sut
masa gaw hkrak sha bai hkrat sum na re. Na a m a k a u g r u p y i n h p e maram yu tim chye lu nga ai.
7. Makam masham ahkyak ai zawn, masha ni kam na mung ra ahkyak nga ai. Prat gaw kam hkat ai hta madung da nna Sut masa gawgap ai prat rai mat sai. Bungli hpe “Graph” soi nna galaw ra ai.
D. Ramma hte Sut Masing
1. Sharin hkam la ai Ramma yawng Karai lam hta Kanu Kawa kam ai hta grau kam sham hkra, Sut lam hta Kanu Kawa lu ai hta grau lu la hkra, hpaji lam hta Kanu Kawa chye ai hta grau chye hkra shakut ra na re.
2. Sut lu nga mai lam hta dingtawk dan ai gaw hkrit ra dik ai re. Jai lang n chye yang
jamjau tam la ai tai wa ai. Laika Hpaji hte Sut Hpaji chye nan chye ra ai. Laika chye shagu Hpaji n chye ma ai. Laika the kan bau lu ai n rai, Hpaji hte sha kan
3. Nang galaw ai magam bungli gaw Karai a hpung shingkang shadan shadawng na matu rai u ga ngu myit na galaw sa ra ai. Myat wa ai hta na Htam Shi hpe gwi gwi bang chye ra ai. Nang gwi bang ai Htam Shi hta na ngam ai htam (9) gaw nang hpe akyu jaw na ra ai.
4. Ramma ni sadi ra ai gaw, Sutgan gaw tsadan mung jaw lu ai. Tsadan jaw ai Sutgan gaw masha hpe jamjau jaw shangun nna Karai jaw ai Sutgan gaw ngwi pyaw shangun nga ai. Sak prat ram wa ai hte rau, du na prat kaw hpa galaw sha na ngu ai pandung nga ra ai. Dai n nga ai wa gaw nsin kaw lam hkawm ai wa rai nga ai.
5. Aten matsan Sutgan lusu, aten lusu Sutgan matsan, aten lusu hpaji matsan, aten matsan hpaji lusu, maga mi lusu jang maga mi matsan na re. Nang n dum shami nga nga yang aten gaw a katsi sha nga lai mat wa sai. Nang gaw aten hpe manu shadan chye ai wa rai yang asak hpaji kaji tim masha kaba tai wa na ra ai.
6. Du na (5) ning, (10) ning hpe shingran tau hkrau mu chye ra ai. Tau nna shajin da ra ai. Prat ndai gaw Ramma ni ahkyak htum ai ten du sai. Nang hpaji mung chye dingman kang ka ai wa rai yang, nang gaw lata la hkrum ai wa tai nna, lani mi bungli madu tai wa na ra ai. Shinggyim masha hta ahkyak htum ai gaw up hkang hkrum ai masha tai na i? Up hkang ai wa tai na i? ngu ai re.
7. Ramma ni chye da ra na lam Karai ra sharawng ai gaw, hkrat sum ai lam n re, awng dang ai lam she re. Bum pungding du lu na matu gaw bum lagaw kaw na hpang ra ai ngu mayu ai. Ndai prat Sasana Sara grai law ai majaw sadi ra dik sai hpe maram chye lu ai. Karai she chye ai nga Karai hpe yawng lit jaw ai nga ai zawn, Karai hpan da ai hpa mung mai galaw ai nga ai masha mung law law re. Anhte a myit masin hta Chyoi Pra ai Wenyi shanu let anhte a bawnu machye machyang hta kaja ai hte n kaja ai hpe ginhka
lu ai atsam, Madu Karai kaw hpyi la let Karai a man, myu a man e mung, mungkan a man e mung lam shagu hta rawt jat galu kaba wa ai amyu sha ni tai wa saga ngu hpungdim dat ai law.��
Yehowa hpe shamyet shanat
nga nna kaja ai amu galaw u.
Dai mung hta shanu nga nna,
sadi sahka hpe tam u.
Yehowa hta sharawng awng
nga nna, Na a myit hpyi ai hku,
shi nang hpe jaw na ndai. Na
a lam Yehowa hpe ap ya u,
shi hpe kam sham nga u, shi
shabyin ya na rin dai.
(Shakawn Kungdawn 37:3-5)
Post a Comment