USB kaw na Virus hpe makawp maga ai ladat;

Ndai gaw Australia, Sydney kaw na manang langai mi Email kaw san wa ai hpe bai htai dat ya re.   ngai na Blog kaw galoi ma sa du nga ai manaw manang ni mung nchye shi nga ai ni mung chye la mu ga ngu mara dat ya re. anhte ni Virus lawm ai USB hpe Computer kaw sha chyawp hkrup sai nga jang gaw computer kaw Virus shang chyalu re. hpa majaw ngai jang computer kaw anhte ni Autoplay hpe n pat da ya ai majaw re nga ai. Virus hpe galaw shapraw ai ni yawng gaw Autoplay hpe madung tawn na galaw da ai re. dai majaw USB hpe lang sana nga jang gaw Virus lawm nlawm hpe shawng check yu n  na she lang ra ai hku re. Virus law malawng shanwg ai gaw ndai USB kaw na shang wa ai re nga ai.

        Ya ndai Autoplay hpe pat da sai nga jang gaw virus lawm ai USB ni hpe lang hkrup ai shaloi galang ta nlu shang ai re. tsun mayu ai gaw USB kata kaw na virus lawm ai Folder, file hpe sha nsa hpaw hkrup ai re yang gaw nshang sai re. Autoplay hpe pat tawn da ai marang e tinang Computer kaw Virus nshang na matu tsa lam shadang ma-nga shi makawp maga lu sai re. gara hku na Autoplay hpe pat na i nga jang la-wu kaw madu da ai hku na galaw mai nga ai.

Autoplay hpe pat na matu gaw….

Run >>gpedit.msc  kabang dat na .. Enter hpe dip dat na. Group Policy box  hpaw wa na re.
dai kaw  Cmputer configuration  hte   User configuration  nga nna gabaw lahkawng hpe mu na re.
(1) Computer configuration >>administrative templates >>system  kaw du hkra sa mat na. System  hpe  click  dat ai shaloi hkra maga kaw   turn off autoplay  ngu ai hpe mu na re dai hpe  Double click  dat ya nna. shaloi   enable >>apply>> ok.  Galaw kau dat ya na.

Matut nna.. langai mi naw ngam ai..
(2) user configuration >> administrative templates >>system  kaw du hkra sa mat na.
System  hpe   click  dat ai shaloi hkra maga kaw  turn off autoplay  ngu ai hpe mu na re, dai hpe  Double click  dat u. shaloi   enable >>apply>> ok. Galaw dat ya na,

shaloi gaw Computer kaw na Autoplay hpe lu pat da ya sai hku re. USB kaw na Virus ni computer gata de loi loi sha n mai shang sai hku re.