Ngai na blog kaw sadu nga ai manaw manang ni hpe 2011 hta gumhpraw manu jahpu njaw ra ai sha free lang mai ai kaja dik htum Antivirus hpan manga hpe lata na mara dat ya sai re. ndai Antivirus hpan manga kaw na Avast Free Antivirus 5 gaw Interface hte Virus hpe ning hkap ai lam, shim lam jaw ai lam ni hta manu mana ngyam ai majaw ya ten hta shi gaw shawng kaw mying lu nga ai re. Malware detection hte removal galaw ai hta kaja ai Avira AntiVirus Personal Free Antivirus 10 gaw nambat lahkawng shara kaw re nga ai hpe mu lu ai hku re.
(1) Avast Free Antivirus 5
Gawng kya ai lam – galang lang Detection ni hpe tang du hkra bungli nlu galaw ai hpe mu mada lu ai.
Maram yu ai - Avast Free Antivirus 5 gaw malware ni hpe tsep kawp ning hkap lu nna, htap htuk manu dik ai Interface lawm ai sha n ga, file ni hpe Scan galaw ai hta manu mana lawan ai hpe mu mada ai, dai majaw shi gaw nambat langai shara kaw shara lu ai antivirus re nga ai.
install galaw yang mung yak hkak ai lam n nga ai, lang ai lam hta mung kaja ai re. retim malware ni hpe gaw tsa lam shadang hpring hkra gaw lu tam ai lam n nga ai re.
Scan Speed grai kaja n na manit 90 laman hta tam jaw ai mahtai 4.5 GB ram hpe Scan galaw jaw lu ai. Bai nna shi hpe computer kaw bang da ai marang e mung computer hpe la nyen shun ai lam ni hpe nbyin shun ai antivirus software langai re nga ai. Ra jang gaw download la ga.
(2) Avira AntiVir Personal Free Antivirus 10
Gawng kya ai lam - Malware detection grai kaja ti mung removal galaw ai shaloi nau bungli nbyin ai re. Disinfect galaw ai shaloi file nkau ni hpe jahten kau nna Rootkit ni hpe mung lu la kau ai lam n nga ai.
Maram yu ai lam - Avira AntiVir Personal Free Antivirus 10 gaw malware ni hpe delete galaw ai lam kaja dik ai antivirus software langa re. ndai hpe lu ai, ra ai re jang gaw download la ga.
(3) Panda Cloud Antivirus 1.0
Kaja ai lam - Malware detection galaw ai lam hta kaja nna jai lang ai lam hta grai kaja ai antivirus software re.
Gawng kya ai lam - Scan Speed grai la nye ai
Maram yu ai lam, - Panda Cloud Antivirus 1.0 gaw free lu lang ai antivirus langai re nna Scan Speed lanyen ai retim malware detection galaw ai lam hta gaw manu mana kaja ai re nga ai. Installation hte Setup hpe loi dik ai hku galaw lu nna Cloud Antivirus hpe hpaw hpang dat ai hte computer na protection status hpe madun jaw lu ai re. Bai nna Virus nga ai web site hte Email ni kaw lawm wa ai malware attack ni hpe ning hkap jaw lu ai sha n ga, Registry key ni hpe mung delete galaw kau ya lu ai re. Retim computer bungli galaw ai lam ni hpe gaw lanyen shun chye ai re. Ra ai re jang gaw download la ga.
(4) Microsoft Security Essentials 1.0
Kaja ai lam - User Interface grai kaja ai re.
Gawng kya ai lam - Malware ni hpe Detection lu galaw ai lam hta ram ai hku sha re nna Scan galaw ai hta mung lanyen ai hpe mu mada lu ai.
Maram yu ai- Microsoft Security Essentials 1.0 gaw lang ai lam hta grai loi ti mung malware ni hpe detect galaw ai lam hta gawng kya ai hpe mu mada lu nga ai. Virus ni hpe jasan jaseng ai hta kaja ai. Bai nna lang ai lam hta mung loi ai re. retim Scan Speed gaw lanyen ai re. Install galaw ai mung loi ai, bai nna main screen kaw mung Home, Update, History hte Settings nga nna tab
(5) Comodo Internet Security Premium 5.0
Kaja ai lam - Malware nnan ni hpe ding hkap ai lam jaw lu nna firewall hpe mung bang jaw da ai re.
Gawng kya ai lam - Malware detection ladat gaw galoi ma maren sha nre nga ai hpe mu mada lu ai.
Maram yu ai lam - Comodo Internet Security Premium 5.0 gaw malware nnan ni hpe ding hkap ai lam jaw lu ai zawn firewall mung lawm ai re. software galaw da ai lam kaja ai majaw jai lang ai hta mung loi nga ai. Malware nnan ni hpe ning hkap lu nna malware ni hpe mung ning hkap lu ai re. ra jang gaw download la ga.
Post a Comment