Virus a bungli galaw ai madung hpe shawng nnan tsun ga nga jang gaw Computer hpe grau nna n-gun dat bungli shagun ai lam re nga ai. Bai na memory hpe aten hpring nan shara la da ai re. na wa jang shaloi gaw memory overload byin wa na, jak ni grai li wa na. hpang jahtum gaw memory hpe mung jahten kau lu ai re nga ai.
Virus nkau mi jahtam gaw computer kaw shang sai nga jang grau grau shalaw shangai la nna zing tawn da ai Data ni hpe jahten kau ma ai re. bai nna nkau Virus ni re jang gaw Virus rawng nga ai kum la mung n madun, gara kaw na shang rawng ai re mung n chye, lagu shang rawng taw nna gau ngui ngui sha gasat hpang wa chye ma ai re. Bai Virus nkau mi re jang gaw shang sai hte galang ta nan gasat hpang chye ma ai re.
Virus Law malawng gaw shan hte hpe aloi ali hte sha tam mu sat kau lu ai Task Manager , Folder Option hte register ni hpe shawng jahten sha-shamat kau chye ma ai re. nkau ni jahtam gaw commant prompt hpe pyi hpaw nlu hkra jahten shamat kau ma ai re.
Ndai Virus hpe galaw ai ni gaw shan hte na Virus bungli galaw ai hpe pat shing dan da ai lam nlu galaw hkra lajang da ma ai hku re. ga shadawn tsun ga nga jang computer kaw Auto Run ni hpe pat da ai retim, lu shang na matu hte wanglu wanglang bungli lu galaw na matu galaw da chye ma ai.
Virus langai kaw lawm ai program gaw yawm htum lahkawng lawm chye ai hku re. langai gaw Virus Program re na, langai gaw Virus hpe garum madi shadaw ya nga ai program (support) langai re nga ai. Dai program lahkawng mung langai hte langai shada garum hkat lu na matu lajang da ya chyalu re. ndai program lahkawng gaw grau grau nna sha, jat taw nga na backup galaw da ai re. anhte ni pat da ai shaloi ten hta support file gaw gaga Virus file hpe tam nna matut run ai. Bai support hpe delet galaw kau sai ai retim, naw ngam nga ai Virus file gaw gaga support file hpe bai tam la na run taw nga ai sha re. Ndai zawn langai hpe sat jang shi mung langai hpe bai jahkrung la ding yang sha re majaw bungli lu galaw nga ai re.
Dai majaw hpang jahtum hku na tsun mayu ai lam gaw n dai zawn re grai sawng dik ai Virus ni tinang na computer kaw shang sai nga jang gaw computer hpe Format jahkrat kau na Windows nnan hpe bai galai la ai re jang gaw grau kaja na re ngu hpaji jaw mayu ai hku re. Windows hpe nlu galai lu ai ni gaw Hard disk hpe hkraw la na, Anti Virus kaja hpe bang da ai computer langai ngai kaw scan sa galaw la ra na re.
Post a Comment