Computer kaw Virus
shang wa ai mang hkang hpe yu ai shaloi Memory stick (pen drive) kaw na law malawng
shang ai hpe mu mada lu nga ai. Dai majaw Memory stick hpe sadi na lang ra nga ai re. Grau
nna masha law law jawm pawng lang ai computer ni kaw Memory stick hpe lang yang grai sadi ra nga
ai. Memory stick kaw na computer de shang na loi ai zawn, computer kaw na
memory stick de shang na mung loi nga ai. Hpa majaw nga yang, memory stick gaw
file transfer galaw ai grai lawan ai. Grau
nna gaw daini na ten hta Internet lang
ai lam ni grai law wa sai re majaw dai internet seng ni kaw na Virus ni grau chyam bra wa ai re. dai hku re
jang dai internet seng kaw na computer ni hpe Virus a majaw hten za lu na I ngu
ai ga san na nga wa ai hku re.
Shan hte a
computer law malawng gaw System properties tsaw ai ni hpe lang ai majaw Antivirus tsaw ai hpe bang lang da ma ai re.
Dai majaw hten mat na ram mang hkang shan hte kaw n nga ai hku re.
2010 kaw pru ai Version ni hpe tsun mayu ai re. Hardware ni
hta grau na tsaw mat wa ai hte maren ninghkap lu ai lam hta mung grau na dang
di nga ai re. Internet kaw na shang wa ai Virus ni hpe mung dang ning hkap chyalu re nga
ai. Norton, Kaspersky, Bitdefender, MCAFee
ni a antivirus tsaw ai ni hpe bang lang
yang gaw Virus law malawng ni hpe dang ning hkap sai hku re. Internet hpe aloi
sha lu lang nga sai re majaw shani shagu pru nga ai Virus definition update ni lang ra nga
sai re.
Langai mi bai
gahtap tsun mayu ai lam gaw gade ram kaja ai Antivirus ni hpe bang lang ai re
tim, man man Virus definition update n
lu galaw yang kaman sha re. Dai majaw hpa baw antivirus hpe mi lang lang visus
definition hpe update galaw na gaw ahkyak nga ai. Dai hku galaw tim pyi Virus a
hpyen kaw na lawt sai ngu n mai shadu ai
hku re. Hpa majaw nga jang Virus ni gaw
ning hkap pat shing dang nga ai lam ni hpe galoi mung lu shang hkra shakut nga
na sha re.
Internet seng ni
kaw nambat lahkawng ladat hku na lang nga ai gaw Deep Freeze hte HD Guard Software
bang da ai re. Deep Freeze hte HD Guard gaw Antivirus software n re.
Virus ni hpe mung n lu sat ai. Ratim Hard disk hpe program nnan, file nnan n
mai save hkra lock galaw da ai sha re. Ndai hpe install galaw da sai hte gaw Windows hpe
ganing re setting ni hpe bai sa galai da
tim, Software nnan ni hpe install galaw da tim, file ni save da tim shutdown , Restart galaw dat ai hte gaw
mi shawng nnan kaw na lang nga ai hte maren sha bai byin mat ai re. Dai majaw virus ni shang wa ai raitim Computer hpe
Restart galaw dat ai hte mi na Virus n nga ai, mi na hte maren bai byin mat ai
re majaw Virus ni gaw Hard disk kata de
n lu shang wa ai hku re. Dai majaw internet seng nkau mi kaw gaw Antivirus hpe n lang ai sha Dreep Freeze hpe sha grau lang nga ma ai hku
re. Sa lang ai ni na Memory Stick ni hta gaw aloi sha Virus ni mai shang ai hku re.
Tinang nta kaw Virus nga ai Memory stick hpe lang jang computer kaw shang
chyalu sha re. Internet lang jang mung Virus ni mai shang wa ai re. Bai na tinang na
computer shinggan na Virus nga ai Memory stick
hpe lang hkrup jang mung Virus gaw shang na sha re. Dai majaw grai sadi
na lang ra nga ai hku re.
Grau nna gaw External Drive
Post a Comment